HTX18 aurkezpen jaialdia, urriaren 3an, Totem aretoan

Badator HATORTXU ROCK jaialdiaren 18. edizioa. Beste urte batez, eta 26 dira dagoeneko, espainiar eta frantziar Estatuek euskal presoen aurkako eraso sistematikoa den dispertsioa mailarik gorenetan mantentzen dute eta HTX-k indarrak berritzen ditu espetxe politika honek suposatzen duen sufrimendu eta kalteei aurre egiteko.

18. edizioa da aurtengoa. Abenduaren 26an ospatuko da Atarrabiako Entrecementerios gunean, eta bertan izango dena ezagutzera emateko HTX-k aurkezpen jaialdi bat prestatu du urriaren 3an Atarrabiako Totem aretoan. Gau horretan, oholtza gainera igoko dira EL SONIDO DE LA METRALLA eta BETAGARRI, jaialdiaren mezuarekin bat eginez.

Sarrerak irailaren hamarrarekin jarriko dira salgai ohiko lekuetan (Carmen kaleko Herriko Taberna, Infiernito eta Basajaun) eta internet bidez lortzeko aukera ere izanen da. Sarrerak aurretik 7 eurotan lortu ahal izango dira eta bertan 10 eurotan.

21:00ean irekiko dira Totem aretoko ateak eta BETAGARRI eta EL SONIDO DE LA METRALLA taldeen kontzertuekin batera iritsiko da kartelaren aurkezpena.

Behin kartela aurkeztuta, momentuan bertan HTX18-ko sarrera erosteko aukera izango da, 10 eurotan, hau da, beherapen garrantzitsu batekin. Horretarako aurkezpeneko sarrera aurkeztu beharko da.

HATOR HATOR NESKA-MUTIL ETXERA!

Zatoz!!